Salma's profile•·.·°¯`·.·•Salma•·.·°¯`·...PhotosBlogListsMore  |  Tools Help |
|
•·.·°¯`·.·•Salma•·.·°¯`·.·•"Life is like a box of chocolates... you never know what you're gonna get."
January 30 الدنمارك
قرات هذا المقال وحسييت أنه موضوع ممكن أشارك به, في موضوع الدنمارك واساءتها لنبينا عليه أفضل الصلاة والسلام طبعا مستحيل يكون الرد بالمثل لكن الرد الاقتصادي كان افضل ضربه وجهت الها فرحت من كل قلبي يوم الجمعيات التعاونيه وقفت بشكل سريع للحدث وسهلت على المستهلك قرار المقاطعة مثل ما تدرون فيه ناس كبار ممكن ما تقدر تفرق ما بين البضايع لكن قلوبها مع المقاطعة
كذلك سحب السفراء مثل السعوديه وليبيا قرار له وزنه و اتمنى باقي الدول المسلمه تتبع خطاها كرم الله الرسول عن أفعالهم وأقوالهم January 24 مرض الجدة :: My grand mother illnessما أدري كيف مرت عليه فترة العيد , أسمحولي لاني ما رديت على التعليقات بعد يومين العيد مرضت جدتي ما ادري هو برد ضرب في بطنها أو تسمم أكل المهم أنها ما خلتنا نوديها المستشفى ولا خلت الدكتور اللي يابوه الها يشوفها ولا حتى يقرب منها الحقيقة الكل بذل جهده وياها من وصفات طبيه خارجيه الى طب منزلي واخر الحل كان الدفاية اللي تمت تشتغل عليها وهي تقول"بتحرقني اخروها عني" لكن تمت شغاله لانها ما تعرف تبندها  هاليده رافضه كل تطور لازم ضو صخاممرة سرت بوري الها الصخام تمت العاب ناريه من يميني ومن شمالي
 اميه تعرف اكثر تتصرف وياها ولا انا يننتبي الحمد لله اليوم بخير وافتكت من اليهدهand thanks to my chinese friend Joyly
على فكرة شو رايكم في لقطات لعفن جدر الحلول في البوم الصور؟ January 11 عيدكم مبارك
الله يعود عليكم هالأيام وانتم بخير وعافيه ويكفينا شر الأيام المقبلة ويعطينا خيرها اللهم آمين رغم أنه فرحتنا ناقصة بوفاة الشيخ مكتوم الله يرحمه ويغفرله ويشهد الله أنه حتى الحناء ما تحنيت به ولو ما كانن ثيابي بسيطات وما فيهن بهرجه زايده ما لبستهن
لكن من الواجب تقديم الضيافة لزوار العيد ومن هذا الباب قضيت يوم الوقوف أجهز اشياء خفيفه للفواله خصوصا اني كنت صايم الوقوف
خذت لقطة للفواله قبل ما تخلص خصوصا ان الطلب كان زايد على شغل البيت تصدقون حتى الخياط يوم قرب عند الأكل جان يتخبر هذا من برا ولا خدمة بيت أشوف الكل يبا شغل بيت وتقول أميه يوم نحط شي جاهز عرفوه وما قربوا ناحيته
سويت ورق عنب عشان ولد خالي ما ياكل غيره في العيد,وبغاشه بس ليتها تبقا يابسة مثل الجاهزه وما تلين بعد فتره وشي اسمه تارت الفستق والشوفان بالكرميلا و بقلاوه حلزونيه من اختراعي وبرجر محشي بنقانق وفطر وجبن هذا اول مرة اسويه حطيت صورته في قسم الصور وبعد لمحه عن الفواله بعد ما بدوا فيها
وهاذي بعض المسجات اللي وصلتني ليلة العيد
"العــــــيد" شرف والتهاني تتــــااالت... ""وكلن"" تذكرمن يحبه ويغــلــــيه " وفــــزت" لـك غضون الأماني وقـالـت "عيــدك مبــاااارك وأسعدالله ليــاااااليـــــك .. وهذا مابقى للعيد غيروقت قصير.. بس قلبي من غلاكم ماقدر قال :ترسل ؟أو أناقبلك أطير قلت:بكره قال:مافيني صبر قلت:أبرسل تهنئه وشوق كبير ياعساأعيادكم كل العمر .. وهذا من بنت عمي ارسلتلك بطاقه العيد بدري،، ودي أكون أول من يهنيك.. عجزت أقاوم غيرة وسط صدري،، أموت لا من شفت غيري يهنيك.. مدري لهفة وشوق أو حب مدري،، بس أدري إن القلب بالحيل يغليك .. بس هذا مصباح العيد من ربيعتي صباح الغلا والمعزه صباح الحب في كل حزه يا أغلى وأحلى من أعزه و~عساكم من عواده~ و" عيدكم مبارك " .. وهذا لكــــــم تهاني العيد نهديهـــــا قبل يوصل يــــــوم ميعـــــاده مــــــن خفايا الروح نبديهــــــا يعـــــلكم للــــــعيد عـــــــواده! .. وهذا من بنت خالي لانها تاخرت شوي مب كل من سبقني يهنيك أكثر مني يالغلا يغليك ** بعض البشر همهم رسالة منهم تجيك.. وأنا ¤ همي ¤ أهني ¤ العيد ¤ فيك ¤ كل عام وانت بخير
وأخيرا هاذي بطاقه مني بالعيد لكل الزوار و الأحباب http://www.synow.com/cards/create.php?card_id=1692
January 04 ما اصدق كيف الموت يسرق منا الفرح ما اصدق كيف الموت يسرق منا الفرح جدام كل عيد
قبل سنوات قليلة توفى راشد بن مكتوم وهو مازال شاب صغير
في مثل هاذي الأيام
واليوم يتوفى والده الشيخ مكتوم بن راشد المكتوم
وما مرت الا سنة على وفاة شيخنا زايد في رمضان اللي طاف
صرت أشتاق لفرحة الصغار بالعيد ما أقدر اتحمل هموم الكبار اللهم ارحمه برحمتك و اغفر له بمغفرتك, وهون عليه يارب
January 03 Moving here...الانتقال الى مدونة سبيس هنا الحقيقه رغم بساطة التعامل في موقع تريبود وسهوله الابديت بكذا وسيله ما عدا انه لا يقبل الكتابه بالعربيه ,خلتني أخليه خياري الاول الا ان الحركة الاخيرة
 اللي سواها فيه خلتني أفكر فعلا في موقع ثاني وبما اني اترك لي اشتراك في معظم الاماكن اللي امر عليها  فكان اختياري سبيسس ,بسيط ومرتب وما يحتاج شئ (طبعا أكيد بيعجب ميشو) ,أوووه نسيت شوفو شو صار في البلوق الجديم ...الظاهر علق عندهم December 30 ِافتتاح حديقة في منطقتنا السلام عليكم
 هذا اول موضوع لي في المدونه ,كل عام وأنتم بخير ومبروك السنة اليديدة حلو الشخص يبتدي شئ مع بداية سنه يديدة ,خصوصا اني حبيت هذا الموقع لانه مرتب وقابل للكتابة بالعربي ولا يحتاج الا لوضع المواضيع بس... انا جربت في موقع
Tripod --salmadxb.tripod.com
 الحقيقة حلو لو ما تفاجأت بعدم دعمه للعربية لكن فكرة الابديت من الموبايل كانت مميزة عندهمالبارحة سرنا لحديقة تم افتتاحها في منطقتنا,وايد حلوه ومريحه خصوصا
المكان اللي بانين فيه جدارين متقابلين وعليهم مشاهد من دبي والخور وتقدر تسمع صوت مياه الخور يوم تمشي بينهم صورت المشهد بعد غياب الشمس اتمنى يكون الفيديو واضح
Hello every one,
This's the first upload for me here ,I wish u all happy new year
 .Because i want to up load some times with arabic i am going to leave my new site on Tripod--salmadxb.tripod.com
The best i found there is mobile up load
Yeasturday we went to a new park opened in our area
and i have thes movie shot ,it's two walls when u walk btw u can see Dubai buildings and hear the sea that devided Dubai to two parts
|
|||||||||||||
!!
ياالله عليهم بالعافيه 
|
|
